پاکستان کی تمام بندرگاہوں کے داخلے عارضی طور پر بند کرنے کا نوٹیفکیشن جعلی قرار

سماجی رابطے کی ویب سائٹ ایکس پر وزارت اطلاعات کی جانب سے کہا گیا کہ کابینہ ڈویژن کی جانب سے بندرگاہوں کے داخلے معطل کرنے کا کوئی حکم جاری نہیں کیا گیا، سوشل میڈیا پر گردش کرنے والا نوٹیفکیشن من گھڑت ہے۔

انہوں نے بتایا کہ 10 مارچ 2026 تک بندرگاہیں بند کرنے کی خبر جھوٹی ہے، کابینہ ڈویژن یا وزارتِ بحری امور نے ایسا کوئی فیصلہ نہیں کیا، عوام سوشل میڈیا پر پھیلائی جانے والی غیر مصدقہ خبروں سے محتاط رہیں۔

وزارتِ اطلاعات نے کہا کہ فیک نیوز کے ذریعے عوام میں خوف و ہراس پھیلانے کی کوشش کی جا رہی ہے، سرکاری معلومات کیلئے صرف مستند ذرائع پر انحصار کیا جائے۔