اسلام آباد: وزارت موسمیاتی تبدیلی نے کہا ہے کہ حاملہ خواتین کو گرمی کی لہروں سے زیادہ خطرہ ہوتا ہے۔
وزارت موسمیاتی تبدیلی نے کہا ہے کہ گلوبل وارمنگ نے حالیہ برسوں میں پاکستان میں مہلک گرمی کی لہروں کا خطرہ بڑھ گیا ہے۔
وزارت کے میڈیا ترجمان محمد سلیم شیخ نے خبردار کیا ہے کہ حاملہ خواتین کو گرمی کی لہر سے زیادہ خطرہ ہوتا ہے، کمزور مدافعتی نظام کی وجہ سے صورتحال بچوں، بوڑھوں اور خواتین کے لیے زیادہ پریشان کن اور سنگین ہوسکتی ہے.
انہوں نے کہا کہ لوگ اپنے آپ کو صحت کے مسائل سے ہر ممکن طریقے سے بچائیں، خاص طور پر صبح 11 بجے سے سہ پہر 3 بجے تک گرم اوقات میں غیر ضروری بیرونی سرگرمیوں سے گریز کریں۔
ترجمان کے مطابق اگرچہ ہیٹ ویوز سے کوئی بھی متاثر ہوسکتا ہے تاہم حاملہ خواتین کو زیادہ خطرہ لاحق ہوتا ہے اس لیے ضروری ہے کہ حاملہ خواتین زیادہ درجہ حرارت کے دوران باہر جانے سے گریز کریں۔