بخارسٹ(اوصاف نیوز) مستقبل میں پاکستان عالمی طاقتوں میں شامل ہو گا۔ہنگری کے وزیر اعظم وکٹر اوربن نےرومانیہ میں منعقدہ ایک تقریب سے خطاب کرتے ہوئےپاکستان کے مستقبل کی پیشگوئی کردی ۔ وکٹر اوبن نے تصدیق کی کہ عالمی نظام تبدیل ہونے جارہا ہے جو ایشیا سے شروع ہوکر دنیا میں پھیل جائے گا۔ہینگر ی وزیراعظم نے اپنے خطاب میں کہا کہ مستقبل میں عالمی طاقت مغرب سے مشرق اور روس کی طرف منتقل ہوجائے گی۔
اگلی کئی دہائیوں شاید صدیوں میں ایشیا دنیا کا مرکز بنے گا۔وزیراعظم وکٹر اوربن نے کہا کہ چین، بھارت، پاکستان، انڈونیشیا دنیا کی بڑی عالمی طاقتیں ہوں گی۔ سابق عالمی نظام کی تبدیلی بھی 500 برسوں پر محیط رہی اور مغرب کی توقعات کے برعکس اب ہر کوئی روس کی حمایت کر رہا ہے۔انہوں نے کہا کہ شمالی کوریااور چین اب ایران، بھارت کے بھی روس سے اچھے تعلقات بنتے جارہے ہیں۔
نیٹو کا رکن ہونے کے باوجود ترکیہ بھی روس کے ساتھ ہے۔ہنگری وزیر اعظم کا کہنا تھا مسلم دنیا بھی اب روس کو دشمن کے بجائے اتحادی سمجھتی ہے۔ آج دنیا کا بڑا مسئلہ مغرب کی کمزوری اور ٹوٹ پھوٹ ہے۔ جو مغربی میڈیا نہیں بتاتا۔ مغربی میڈیا کا دنیا کا بڑا خطرہ روس اور اس سے لاحق خطرات کو قرار دینا غلطی ہے۔
وکٹر اوربن نے مزید کہا کہ روس کی قیادت اپنے ملک کے مفاد میں منطقی لحاظ سے چلتی ہے۔ مغرب کا رویہ حقیقی اور حالات کو سنبھالنے والا نہیں ہے اور اب وقت امن کی سیاست کا ہے۔انہوں نے کہا کہ یوکرینیوں کو بھی یہ بات سمجھ آگئی ہے۔ یورپ کو بھی اب ہوش سے کام لینے کی ضروت ہے اس سے پہلے کہ بہت دیر ہوجائے۔ یورپ نے امریکہ میں ٹرمپ کے آنے سے پہلے امن پالیسی نہیں اپنائی تو بعد میں ساری ذمہ داری یورپ پر ہی ہو گی۔