سندھ سے متعلق بھارتی وزیر دفاع کا بیان، وزیراعلیٰ سندھ مراد علی شاہ نے’’ کرارا جواب‘‘ دیدیا

کراچی ( ڈیلی پاکستان آن لائن ) وزیراعلیٰ سندھ  مراد  علی شاہ کا سندھ کے بارے میں  بھارتی  وزیر دفاع  کے بیان  پر سخت ردعمل  سامنے آگیا۔

سوشل میڈیا پر  بھارتی وزیر دفاع کو جواب دیتے ہوئے  وزیراعلیٰ سندھ مراد علی شاہ کا کہنا تھا کہ بھارتی وزیر دفاع تاریخ سے ناواقف ہیں، سندھ پر  بھارتی  وزیردفاع کا بیان سفارتی طور  پر غیرذمہ دارانہ ہے۔  بھارتی وزیر دفاع اپنی داخلی تقسیم پر توجہ دیں، ہمارے متعلق دن میں خواب دیکھنا چھوڑ دیں۔  سندھ نے قیام پاکستان سے بھی پہلے 1936 میں بمبئی پریذیڈنسی سے علٰیحدگی اختیار کی تھی اور  سندھ کے عوام نے اپنی خودمختاری، وقار   اور  اپنی سیاسی شناخت کو ترجیح دی تھی۔  سندھ پاکستان کا اٹوٹ انگ اور ناقابل تقسیم حصہ ہے، سندھ کل بھی پاکستان کا حصہ تھا، آج بھی ہے اور ہمیشہ پاکستان کا حصہ رہےگا۔